Thorn Samay: នាំមកជូនដោយ

Chhorchai ចាញ់ ឡៅ ចន្រ្ទា លើកមុនដេកអត់លក់ ត្រូវតែសងសឹកវិញ

ថ្ងៃនេះ ម៉ោង 09:58
ចំនួនមតិ 0

ចន្លោះមិនឃើញ

អ្នកលេងជង្គង់ឆ្លងដែនមកពីប្រទេសថៃ ឈោក ឆៃ(Chhorchai) ថា ចាញ់ជើងខ្លាំងវ័យក្មេងរបស់កម្ពុជា ឡៅ ចន្រ្ទា ដោយសារខ្លួនហាត់មិនបានពេញផង ដូច្នេះត្រូវតែសុំឡើងប្រកួតសងសឹកយកជ័យជម្នះមកវិញនៅពេលណាមួយ។

កីឡាករ ឈោក ឆៃ(Chhorchai)

កីឡាករ ឡៅ ចន្រ្ទា

កីឡាករ ឈោក ឆៃ(Chhorchai) បានឲ្យដឹងថា រឿងប្រកួតសងសឹកជាមួយកីឡាករ ឡៅ ចន្រ្ទា ត្រូវតែកើតឡើងម្ដងទៀត ប៉ុន្តែមិនទាន់ពេលនេះទេ ពោលគឺខ្លួនសុំប្រកួតជាមួយកីឡាករកម្ពុជា២ប្រកួតទៀត ដើម្បីឲ្យសមត្ថភាពដូចដើមវិញទើបប្រកួតសងសឹកជាមួយប្អូនប្រុស ឡៅ ស៊ីណាត ជាថ្មីម្ដងទៀត។

កីឡាករ ឈោក ឆៃ ពេលប៉ះ ឡៅ ចន្រ្ទា

អ្នកប្រដាល់ដែលធ្លាប់ឈ្នះខ្សែក្រវាត់ និងផ្ដួលជើងខ្លាំងកម្ពុជាជាច្រើនរូបខាងលើបន្តថា កាលចាញ់ ឡៅ ចន្រ្ទា នោះអាចថា មកពីរូបគេមិនបានហ្វឹកហាត់គ្រប់គ្រាន់ ហើយអ្វីដែលមិនអស់ចិត្តនោះ គឺខ្លួនជាជើងខ្លាំងម្នាក់បែរជាចាញ់ដោយបោះបង់ការប្រកួតដូច្នេះ។ បើនិយាយពីកីឡាករ ឡៅ ចន្រ្ទា គេជាអ្នកប្រដាល់ពូកែប្រើកែង និងចាប់ស្អិតហើយពូកែវ៉ៃជង្គង់ ពេលប៉ះគ្នាជាថ្មីម្ដងទៀតនោះ ឈោក ឆៃ(Chhorchai) សង្ឃឹមថានឹងឈ្នះរហូតដល់ 80 ភាគរយ។

កីឡាករ ឡៅ ចន្រ្ទា ពេលឈ្នះ ឈោក ឆៃ

កីឡាករថៃ ឈោក ឆៃ ជាអ្នកប្រដាល់ដែលមានថ្វីដៃម្នាក់ ស្នៀតសម្លាប់ដែលគេធ្វើបានល្អបំផុតនោះក្បាច់ចូលចាប់វ៉ៃជង្គង់តែម្ដងមានកីឡាករកម្ពុជាច្រើនណាស់ដែលធ្លាប់រងបរាជ័យក្រោមដៃកីឡាកររូបនេះ ហើយការប្រកួតចុងក្រោយរបស់គេនោះគឺឈ្នះអ្នកលេងកែងមកពីខណ្ឌដង្កោ ផល សោភ័ណ្ឌ ដោយពិន្ទុនៅសង្វៀនបាយ័នបឹងស្នោ៕

អត្ថបទ៖ នួន ស៊ីណា